సంతోషం సమాధిగా

ఒక్కదాన్నే

 ఓడిపోయిన దాన్ని 

వీడిపోయిన అనుభవాలతో 

బ్రతుకునీడుస్తున్న దాన్ని 

అలా వచ్చి నన్ను తాకితే 

విజయమే అని పొంగి పోయా 

నాలుగు దిక్కుల పరిమళాన్ని 

మోసుకొచ్చి నాపై చల్లితే 

ఇంత ప్రేమకు ఎంత అదృష్టం 

చేసుకోవాల్లో అని సంబరపడ్డ 

మాటల భిక్ష వేస్తూ 

మోసం నటించి .. 

మనసును తెలియకుండా

నీ వశం చేసుకొని 

మౌనం మోసపు బహుమానంగా 

ఇచ్చి 

నా సమయాన్ని నీపై వెచ్చించి 

నందుకు 

నాకు ప్రతిఫలంగా వేసిన శిక్ష ఇదేనా ?

ఒరిగిపోతున్న  నేలకు పుప్పొడి మోయలేక 

తేలిక చేసి తోడుంటావనుకున్నా 

ఉన్నంతసేపు నా పెదాలను ..

నా మోము నోదలలేదు 

ఇప్పుడు నేను ప్రేమతో పిలుస్తుంటే 

చులకనగా చూసే 

ఆ చూపుల వెక్కిరింతల శూలాలు 

గుచ్చుతుంటే 

నాకెందుకు ఈ జన్మఅనిపించేంత 

మోసం చూపిస్తే 

ప్రశ్నలే తప్ప సమాధానం 

చెప్పలేని పుస్తకమే నేనైతే 

విచ్చుకున్న రేకుల  కొనలు

 పిల్లగాలిని కూడా దరిచేరనివ్వక 

గాయపరుస్తుంటే 

మానసికంగా నీ దాన్ని అయిన నన్ను 

నీ కనుచూపూలతో శాసిస్తుంటే 

వాడిపోడానికైనా  ఇష్టం 

లోకం వదిలి వెళ్ళిపోవడం కూడా ఇష్టమే 

నీ సాంగత్యం లేని జీవితం 

సంతోషం సమాధిగా అయిన జీవితం 

నాకెందుకు ?? 

మనిషిఆనవాళ్ళు

నేను మనిషిని అనే ఆనవాళ్ళు దొరికాయి 

అన్నం కోసం తన్నుకునే 

వారిని చూసి కళ్ళు చెమ్మగిల్లినప్పుడు ..

నేను మనిషిని అనే ఆనవాళ్ళు దొరికాయి 

అమ్మ ముసలితనం భారం అని ..

నాన్నకు వృద్దాప్యం నాకెందుకని 

వ్రుద్దశ్రమాలలో వదిలిన వారిని చూసి 

హృదయం తల్లడిల్లినప్పుడు 

నేను మనిషిని అనే ఆనవాళ్ళు దొరికాయి 

ప్రాణమైన  చేతి వృత్తులు ..

వ్యవసాయం ఆగిపోయి 

ప్రాణమే వదిలి ప్రేమ చాటుకున్న వారి 

శవాలను చూసి గుండె ద్రవించినపుడు..

నేను మనిషిని అనే ఆనవాళ్ళు దొరికాయి 

దేశంకోసం తపనపడి శత్రువులను 

తరుముతూ అమరులైన వారి గుండెల్లో 

దూసుకెళ్ళి తూటాలు .. వారి దేహాలను 

చూసి శిరస్సు నాకు తెలియకుండానే వంచి 

కన్నీటి నీరాజనాలు రాల్చినప్పుడు ...

నేను మనిషిని అనే ఆనవాళ్ళు దొరికాయి 

నా గుండె ప్రేమకి స్పందించి 

నన్ను నేనే ఆజ్యంగా పోసుకోగలనని

ఆత్మ గోషిస్తూ చేసిన ప్రబోదానికి

శిలలాంటి హృదయం కరిగి ...
నేనైనా శిల కన్నీటిని వర్షించినప్పుడు 

పొడిచిన పొద్దు

పొడిచిన పొద్దు 

ఆశల పందిరి వేసి 

పొడి బారుతున్న కోరికలకు 

తడిని అద్ది 

పోగొట్టుకుంటున్న కాలాన్ని 

బందీ చేయలేక 

పోలమారుతున్న జ్ఞాపకాలను 

పోగు చేసుకొని 

ప్రోత్సాహం ఇస్తుంది 

నాదైన ప్రేమ నాతోనే అని ...

అడుగులు వేయడం నేర్పుతుంది 

అబ్యాసం చేయిస్తుంది 

శుభారంభం  సగం సఫలం అని 

తానే ముహూర్తమై నన్ను నడిపిస్తుంది 

పూపొదలను పలకరిస్తుంది 

పచ్చిక ,పైరులను స్పృశిస్తూ 

పల్లకిలో ఊరేగే పిల్లగాలులకు 

పాటలు పాడే కోయిల ,భ్రమరాలను 

పిలిచి మరీ నా ప్రేమకు 

సహకరించమని అతిధిలుగా 

ఆహ్వానిస్తుంది 

అలా నా కనురెప్పలను తాకుతూ 

నిద్రలోంచి నన్ను లాగుతూ 

నేడు ఒక సరికొత్త ఉదయమని 

స్పూర్తి నింపుతూ ..

ప్రేమ శ్వాసలో పరధ్యనాలు వదిలి 

పట్టుదల నేర్పి లక్ష్యం వైపు నడిపి 

ప్రయోగమే జీవితమని పాటాలు నేర్పుతూ

పద పద మని పరుగులు తీయిస్తుంధీ 

పైకెగబాకే తాడు వేసి మరీ 

లక్ష్యాన్ని దగ్గర చేస్తుంది 

ప్రక్కనే ఉంది నిన్ను గుర్తుచేస్తుంది 

పసిపాపను చేసి మనసును బుజ్జగిస్తుంది

ప్రేమ పలుకులు నాకు నేర్పి నీపై 

నా ధ్యాసను మరల్చుతుంది

పడిలేచే కెరటమై నాలో ఉత్సాహాన్ని 

నింపుతుంది 

నీవే నా గమ్యం అని 

నీవే నా లక్ష్యమని 

నీవే నా పరుగుకు అర్ధమని 

పొడిచిన పొద్దు 

పోదిబారక నీ ప్రేమతేమను 

సుతిమెత్తగా తాకుతూ 

నీవైపుకు నా అడుగులు వేయిస్తుంది 

కలలు

తన కలలు నా  కళ్ళతో చూసా 

నా వాటికన్నా అవి ఎంతో అందంగా 

ఉన్నాయి ..!!

నా కలలో నాకు లేని ఉనికి 

తన కలలోకి అడుగడుగునా ..ఎలా ?

నన్ను నే ప్రేమిస్తున్నానన్నది  నిజం 

కాని నా కన్నా నన్ను తను ఎక్కువ 

ప్రేమిస్తున్నాడన్నది ఇంకా నిజం 

నా ఊపిరి ధారలు 

నా కళ్లలోకి ప్రవహిస్తే 

వాటికి జీవం కాని ఇదేంటి ..!!??

తన కళ్ళను వెతుకుతూ

నా కలలు వెళుతున్నాయి 

నా కలలకు కూడా తన కళ్ళే నచ్చాయేమో ?!

తన అంత  అందంగా .. 

నా కలలను నేను పూయించలేనని 

వాటి హృదయాన్ని విప్పాయేమో...?

తన జాడలు వెతుకుతూ 

నా కలలు తన కళ్ళ వైపు 

 వరుస కట్టినప్పటినుంచి

నా కంటికి నిదుర కరువయ్యింది 

తన కంటికి మెలుకువ వీలుకాకుంది 

ఔరా ! తన ప్రేమ నా కళ్ళను 

కలలను కూడా గెలిచిందా ? 

  

శబ్దంలో నిశబ్ధం

తన కళ్ళలో కన్నీరు 

నాకు తన గుండెలోకి దారి చూపుతూ 

తనను తన పరిస్థితులను 

స్వీకరించమని అనుమతిగా ఆహ్వానిస్తూ 

శబ్దంలో నిశబ్ధం గమనించమని 

నవ్వు వెనకాల జరిగే పోరాటం తెలుసుకోమని 

ప్రేమ వర్షం కురవక 

ఎండిపోయి  బీటలు వారిన మనసు క్షేత్రం 

చూడమని..

కలల విత్తనాలు జల్లగా సారం లేక 

ఎండిపోయిన వాడి బాధ గనుమని 

తన కళ్ళలో కన్నీరు 

నాకు తన గుండెలోకి దారి చూపుతూ 

నా చేతి వేళ్ళను తన చెక్కిలినంటమని 

ప్రేమాప్యాయతలు అడుకట్ట వేసి 

వాటిని గుండెలోకి మళ్ళించి 

తన ప్రేమ కొరకు కనిపెట్టి 

నా నిరిక్షనను తన కళ్ళలో సానబెట్టమని ..

నా కళ్ళ సాక్షిగా తన మునివేళ్ళ సాక్షిగా 

నన్ను తన గుండెలోకి ఆహ్వానిస్తూ .. !! 

ఏముంది నీకివ్వడానికి

ఏముంది నీకివ్వడానికి నాదగ్గర

బహుమతిగా 

నీ కోసం కొండంత ఆశిస్సులు

శుభాలు కోరుకోవడం తప్ప ..

ఎంతో ఎదిగేవరకు

ఎన్నో సాదించే వరకు

పదిమందిలో నిన్ను పైవాడిగా

చూసేవరకు

విజయపు మెట్లన్నీ ఎక్కి

విజేయుడవయ్యే వరకు

నీకోసం హృదయాన్ని ప్రమిదగా

చేసి దేవుడిని రోజు ప్రసన్నం

చేసుకోవడం తప్పు

నీలాంటి నేస్తం  నాకు దొరకడం

నేను దేవుణ్ణి అడగకుండానే

పొందిన వరం

నీవు మాటలతో అందించే చేయూత

నేను తీర్చుకోలేని ఋణం

ఒంటరి అయిన  వేళ మాటల

అల్లరిని చల్లి

ప్రోత్సాహం కోసం ఎదురుచూస్తున్నప్పుడు

వెన్ను తట్టి నిలబెట్టి

నన్ను నేను శోదించుకునే సమయంలో

నాతో పాటు నిద్రనోదిలి

కొంచెం సమయంలోనే నేస్తం

కొండంత ధైర్యం అయినందుకు

హృదయ పూగుత్తినే

నీ పుట్టిన రోజు బహుమంగా ఇస్తూ ...

ఆశీస్సుల సుమ పరిమళాలను

మేఘాలనిండా నింపి నీ మీద

కురవమని పంపుతూ ..

అందజేస్తున్న

ఆత్మీయ 

హృదయపూర్వక  జన్మదిన శుభాకాంక్షలు

ఎన్ని వాడుకలు ..

ఎన్ని వాడుకలు .. 

వడబోతలో  జీవితంలో

ఎన్ని ప్రయత్నాలు 

పలరహితాలో సాధనలో 

ఎన్ని పరుగులో 

పరధ్యనాలో ఈ బ్రతుకు పోటిలో 

ఎన్ని మాటలో 

మైమరపులో ఈ జీవన వైచిత్రిలో 

ఎన్ని అభినందనలో 

చీత్కారలో గెలుపు ఓటముల్లో 

ఎన్ని గుండె సవ్వడుల శబ్దాలు 

నిశబ్దాలో ప్రేమ నాదంలో 

నేను నేనై .. 

నాలో నాకే 

నా విజయానికి జరిగే సంగర్షణలో 

ఎన్ని గుర్తింపులో ... అవమానాలో ..  

అయినా చివరికి 

వడబోతలోమిగేలేది 

నేనే నాలో (సశేషం )

జీవితం

ఒక్కోరేకు ఒక్కోఅనుభవం 

అన్నీ విచ్చుకుంటేనే అందమైన జీవితం 

ఒక్క అనుభవం విచ్చుకోనని 

మొండికేసినా 

ఆ పువ్వు మొహం చూడడానికే 

అందవిహీనం ..

ఒక్కోరేకు విచ్చుకోడానికి 

ఎంత కష్టమేసినా 

విచుక్కోలేనని రేకు

సహకరించకున్నా 

ఇంత అందమైనదిగా 

పేరు తెచ్చుకోగాలదా ..?

బాల్యం ..కౌమారం 

వ్రుదాప్యం .. 

ఒక్కో దశలో ఒక్కో వరుస 

అనుభవాల క్షేత్రం  ..

ఒక్కో అనుభవానికి ఒక్కో 

పరిణితి చెందే సమయం .. 

విచ్చుకుంటున్న కొద్ది 

దగ్గరయ్యే 

అనుభవాల సారం 

చేతులు కలిపి సహకరించుకునే 

ప్రేమాప్యయతలను 

అనుభవం నుంచి నింపుకున్న

వైనం  ..

బయట పరిస్థితులనుంచి 

లోపలి హృదయాన్ని అర్ధం 

చేస్కునేంత సాగే 

నిరంతర అభ్యాసం .. 

ముళ్ళున్న .. కిందకు చూడని

ధైర్యంతో నిండిన 

సాహసమే శ్వాసై

పువ్వై విచ్చుకునే ప్రహసనం జీవితం

ఒక్కోరేకు ఒక్కోఅనుభవం 
అన్నీ విచ్చుకుంటేనే అందమైన జీవితం ..

తన మోము మందారం 

మాట మధుర భాండాగారం 

చూపు విసిరితే చల్లని చంద్ర హారం 

నవ్వు విసిరితే పరిమళించే నవపారిజాతం 

చిక్కుకున్న నా హృదయం 

నీ సొట్ట బుగ్గల గాలానికే 

చేప పిల్ల అయ్యింది మనసు 

నీ చేపల్లాంటి కళ్ళలో ఈదుటకు.. 

ఎదుట నిలిచే నీ ప్రతి బింబం 

ఇటు అటు అని లేకా 

ఏ వైపు వెళ్తున్నావో తెలియక 

దారి మరిచే మతి తానై  నిండుకోగా   

తనని చూడలేని ప్రతి ఆలస్యం 

నాకు విరహాగ్ని గుండంలో స్నానం 

తన మాట వినని ప్రతి క్షణం 

మనసు శూన్యంలో విహారం 

స్నేహితుడొచ్చాడు..

ఎన్నో రోజులకి మొహంపై కల్మషం లేని నవ్వొచ్చింది 

మళ్ళీ నా స్నేహితుడొచ్చాడు..

తనతో పాటు ఆ పాత జ్ఞాపకాల 

బాల్యపు గుభాలింపులు తీసుకొచ్చాడు .. 

ఆడుకున్న ఆటలు 

చెప్పుకున్న ఊసులు 

కలసి తిరిగిన దారులు 

పంచుకున్న కష్ట సుఖాల కలబోతలు 

తన రాకతో మళ్లీ జీవం పోసుకొని 

తిరిగి లేచాయి 

ఆ కోతి కొమ్మచ్చి ఆటలో 

తను కింద పడ్డ వైనం 

దోబుచులాటలో దొరికి పోయిన 

క్షణం తాలుకు జ్ఞాపకం 

దొంగతనం చేసిన మామిడి 

కాయల వేసవి కమ్మదనం 

వెన్నెల్లో  ఒకే మంచంపై పడుకొని 

పంచుకున్న రహస్యాల గోముతనం 

ఒక్కొక్కటి .. ఒక్కొక్కటి మళ్ళీ 

తొంగి చూస్తున్నాయి .. 

చదువుల పరదా పడి

తను ఎటో నేను ఎటో 

భవిష్యత్తును బంగారం చేసుకోవాలని 

తలో దారిన బయల్దేరాం 

లోకంతో పాటు మార్పు నేర్చుకున్నాం 

మాటలకు పై పూతలు 

మనసు మీద ముసుగులు 

పెదాలపై దొంగ నవ్వులు 

ఆలోచనలో ప్రత్యామ్న్యాయ 

కలుషితాలు ,కల్మషాలు పూసుకొని 

జీవితాన్ని జీవించటం కన్నా 

నటిస్తూ గడిపాం ..

గుర్తుచేసుకున్న గతం ప్రతి క్షణం 

ఎత్తి పొడుపులు అయినా 

అందరికన్నా ముందుండాలన్న పోటీ తత్వం 

మరుపే బహుమానంగా ముందుకు తోసింది 

మళ్ళీ ఇన్ని రోజులకు 

కల్మషం లేని నవ్వొచింది పెదాలపై 

నా స్నేహితుడొచ్చాడు .. తనతో పాటు 

నా బాల్యపు జ్ఞాపకాల గుభాలింపును

తీసుకొని .. మూటకట్టి .. మోసుకొని . .

ఇలాంటి సమాజాన్ని ఏమనాలి

ఇలాంటి సమాజాన్ని ఏమనాలి ... 

ఈ రాక్షసత్వాన్ని ఎలా నిలదీయాలి 

ఆడపిల్లలమే ... 

అమ్మతనానికి నిదర్శనమే 

ప్రేమ పంచి పెంచే హృదయాలమే 

ఇంకెన్ని నాళ్ళు .. 

ఇంకెన్ని ఏళ్ళు 

ఈ వివక్ష ..

మంతం .. కులం .. ఏది లేదా 

ఆడపిల్లంటే .. అన్నిటికి ఒకే భావన 

కనకుండానే .. కడుపులో 

కన్నా తర్వాత ..కర్కశంగా గొంతు నులిమి 

కాటికి కూడా తీసుకెళ్ళకుండా పడేసే మనుషులు ..

ఎదుగుతున్నంత సేపు ఏ మదమెక్కిన 

కుక్క కంట పడకుండా .. జాగ్రత్త పడినా 

తప్పించుకొని ఆసిడ్ దాడులు .. గొంతు కోతలు 

పెళ్లి కోసం కన్నా కలలను పారని ఆరాక ముందే 

కట్నం వేదింపుల ఉరులు 

పైశాచికంగా హింసించే అనుమానపు 

మృగాలు .. 

మార్పు రాదా ఇంకా .. ? 

మారలేమా ఇంకా ?

ఆకశానికేక్కెంత సాహం ఉన్న ..

ఇంట్లో  కుక్కకున్నంత స్వేచ లేదే 

రాజ్యాన్ని నడిపించెంత సామర్ధ్యం ఉన్నా 

పేరుకే ఆ వైభవమే .. 

ఎన్నాళ్ళు .. ?? ఇంకెన్నాళ్ళు .. ?? 

ఆడ మగ తేడాలు ... ?

నాతప్పేంటమ్మా .. ??

నాతప్పేంటమ్మా .. ??

ఇక్కడున్నాను ?!!

ఆడపిల్లననేగా ?

నేను కడుపులో వున్నప్పుడు 

మగపిల్లవాన్నని నువ్వు కన్న కలలు

నిన్ను చూసి నవ్వాయనా ?

నాన్న నీకిచ్చిన అవకాశం నాతో 

ముగుసిపోతుందేమో అని భయమా?

పున్నామ నరకం నుంచి నేను 

తప్పించలేనని వేదాలు చెప్పయనా?

నాకు కట్నం కోసం మీరింకా 

ఎక్కువ కష్ట పడాలనా?

నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
నేను ఆడపిల్లనవడం నా తప్పుకాదు 
కదా అమ్మా ...
నీ కడుపులో మోస్తునంత సేపు  
తొందరగా బయట పడి పెద్దదాన్నయి 
నీ మొహంలో నవ్వు నిమ్పాలనుకున్నా 
ప్రతి నిమిషం నేను నిన్ను తంతూ కడుపులో
తిరుగుతూ తినకుండా చేసినప్పుడు 
ఎప్పుడు నా చేతితో గోరుముద్దలు 
తినిపించాలని ఆరాటపడ్డా .. 
నీ కలలు నా కలలుగా మార్చుకొని
నీకు సంతోషం బహుమానంగా 
ఇద్దామని ...



నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
కళ్ళు తెరవగానే నీ అందమయిన 

నాకు పంచిన రూపం చూద్దామనుకున్నా

నువ్వు నా చెక్కిలిపై ముద్దు పెట్టి 
దగ్గరకు తీసుకుని ఆనందిస్తుంటే 
నీ కళ్ళలోని నన్ను చూద్దామనుకున్నా
నా చిన్ని వేళ్ళను మెల్లిగా నిమురుతూ 
నా నొసటి పై నీ ముద్దు పెడితే 
నా ప్రపంచం ఇంత అందంగా ఇచ్చినందుకు 
దేవుడికి కృతజ్ఞతలు చెప్పాలనుకున్నా 
కాని ఇప్పుడు 



నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
ఈ చెత్త కుప్పలో 
వదిలేయడానికిచ్చేపుడు
నా వేళ్ళు నీ వేళ్ళను పట్టుకొని 
వదిలి వేయలేనప్పుడు
ఎలా భరించావమ్మా ??
ఒంటి మీద బట్టలు కప్పడానికి 
కూడా వృధా అనే భావన ఎలా వచ్చిందమ్మా 
ఇలా వదిలేసిన నన్ను చూసి 
చెత్త కుప్ప కూడా భాదపడుతుంది 
మీకెందుకు అనిపించలేదమ్మా 




నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
అమ్మా అమ్మా ....
భయంగా ఉందమ్మా..
కుక్కల అరుపులవిగో 
అమ్మా అమ్మా ఎక్కడున్నావమ్మా
ఆత్రంగా చూస్తున్న వాటి చూపులవిగో
అమ్మా ... అమ్మా .. 
నన్ను తీసుకెల్లమ్మా ....
నన్ను తీసుకెల్లమ్మా ... :( 

ఆకలి

ఆకలి కన్నా విలువైన 
ఆత్మీయ ఆలింగనం వారి పెదాలపై 

ఎన్ని డబ్బులిచ్చి 
ఆ నవ్వు తేగలవు వారి మొహాలపై 


చేతులు కలిపినా మారని జీవితాలలో 
చీకటిఅయిన దారులపై 
పూయించ గలవా వెలుగుల కాంతి
పూవులే ..నీవై 


మనుషులమే .. మనసుల ఆర్దత ఒకటే 
మాటలు వేరైనా హృదయం చెప్పే 
ఊసులు ఒకటే .. 
ఎప్పటికి అర్ధమయ్యేను ఆకలి 
బాష లోకానికి .. 
ఎటు నుంచి వచ్చెను వెలుగు 
వీరి జీవితాల మార్పుకి .. 

వినబడలేదా ??
నీ  జడగంటకి చిక్కుకున్న
నా  హృదయం విలవిల
నీ  నవ్వులో ఈదుతూ
అలసిపోయా అర్ధం అనే తీరం  తెలియక
మాటలకు ఊపిరి పోసే
నీ శ్వాస తగలగానే .. మారం చేసే
గుండెను ఓదార్చేదెవరు ?
మూతి ముడుచుకుని అలిగే
వేళా ..దూరం తగ్గించే నేస్తం ఎవరు
దాహం తీరగానే మరిచే
తటాకాన్ని నేనా ?
దాటిపోయిన బాటని .. బాటసారిని
వెనుదిరిగి చూడరెవరని
నువ్వు రుజువు చేసావు కదా  

నీవు జాలరివి

నీవు జాలరివి 
నే చేపనులే 
నీ వలలో నే చిక్కుకొందును .." యేసు "


ఎన్నెన్నో వలలున్నాయి యేసు 
ఏవేవో గాలాలు ఎదురుచూస్తున్నాయి 
నీ వలలో చిక్కుకొందును యేసు 
నీ రాశిలో నన్ను చేర్చుము 


దారి తప్పించు స్నేహాలున్నాయి 
ఉరి యొద్దకు చేర్చు- కోరికల  యెరలున్నాయి
పాపాల పడిగాపుల లోతులెన్నో ఉన్నాయి 
ప్రేమగా నటించు పగవారి సుడులున్నాయి 


తిని వేయాలని ఎదురుచూచు -కన్నులు ..
చీల్చి వేయాలని ఎదురుచూచు- చేతులు ..
పడినా నీ వలలో నాకు రక్షణే
పరమ జాలరి నీ యొద్ద నే సురక్షితమే 


నీ వలలో చిక్కినా పరలోకం ఉందిలే 
జీవ నదిలో నను చేర్చు భాగ్యముంది నాకు 
హల్లెలుయా గానాల కేరింతల సందడితో 
నిత్యానందపు సంద్రంలో నిత్య జీవ ముంది నాకు 

నా హృదయం నీ మందిరమేగా
యేసు నీ కోసం దానిని సిద్ధపరచనా ?
ఒక్కసారి అడుగు పెట్టావా ప్రభు
నా హృదయాలయం పావనమవగా ..


భ్రష్టు పట్టిందయ్య హృదయం రోత ఆలోచనలతో
మష్టుతో నిండిందయా - మంచి ఏ మాత్రం లేక
తిష్ట వేసుకొని కూర్చుందయ్యా పాపం
నిష్ఠ ఏమాత్రం లేని ఆత్మీయ రోగపు స్థితిలో 
అందుకే 
ఒక్కసారి అడుగు పెట్టయ్యా యేసయ్యా 
నా హృదయాలయం పావనమవగా ..


తట్టి తట్టి వెళ్ళిపోయావా ? యేసయ్యా 
తప్పునాదేనయ్యా
తప్పుల భ్రమలో తూలుతూ - తండ్రీ
నీ పిలుపు వినలేదయ్యా
త్రోవ తప్పి తిరుగుతూ అలసిపోయానయ్యా
తప్పి పోయిన కుమారుడనై మళ్ళీ నీ చెంత 
చేరానయ్యా 

అందుకే 
ఒక్కసారి అడుగు పెట్టయ్యా యేసయ్యా 
నా హృదయాలయం పావనమవగా ..


హృదయపు తాళపు చెవి ఇదిగో యేసయ్యా 
జీవపు వెలుగై ప్రవేశించయ్యా ..
పాపరోగం పోయేనయ్యా
ప్రశాంతత హృది నిండేనయ్యా 
జీవం నీవేనయ్యా  యేసయ్యా 
నీ రక్తంతో నన్ను కొన్నావయ్యా 
దావీదు కుమారుడా కరుణించయ్యా అంటే 
హృదయం అంతా నిండేవయా 

అందుకే 
ఒక్కసారి అడుగు పెట్టయ్యా యేసయ్యా 
నా హృదయాలయం పావనమవగా ..

ఆ ముడతల్లో అమ్మ అందం 
తాను ధారపోసిన జీవితమై కనిపించే ..
పరితపించే ప్రేమకి 
నిలువెత్తు సాక్షమై చూపించే ..
ప్రవహించే నది స్వచ్ఛత ఆ నవ్వులోనే 
నీకై ఆలోచించిన సమయమంతా 
ఆ నెరసిన వెంట్రుకల తెల్లదనమే 
నిన్ను లాలించిన ఆ చేతుల వణుకు 
నీ చేయి ఇప్పుడు తనను పట్టుకోవాలనే
తన మాటలోని అస్పష్టత నీ మాటల
సహాయం కావాలనే ..
తడబడే తన అడుగులకు నీవున్నావనే   
ధైర్యం కావాలనే 
నీరుకారే ఆ కళ్ళలో ఊసులు నీకై 
కన్న ఆ  తల్లి ఆశల కలలే ..
మురిపాల పాలు తాగి పెరిగి 
మరిచేవా తనను నీ వ్యాపకాలతో 
లక్ష్యం అని సుదూరలకువెళ్లి 
లక్షలతో  నువ్వు లేని నవ్వు తెచ్చేవా తన 
పెదాలపై 
బోసిపోయిన తన నవ్వు నీ పసిపాప కాదా
నాన్నా అని పిలిచే పిలుపు నీ కూతురుదే 
అనిపించలేదా ... ?
ఇంకెంత సమయమో ఆ గుండె పరుగు 
ఆ కొంత సమయం కూడా నీ కోసమే 
పరితపించు ...

హత్తుకునేందుకు ఇంకెందుకు ఆలోచన 

ఇవ్వడమే కాని ఆశించని ప్రేమకు

నీవు వెలకట్టలేని ప్రేమకి 

చుపలేవా చిటికెడు ఆదరణ ..ఆప్యాయతలు ..?

ఇవ్వలేవా తను వాల్చేందుకు నీ భుజంపై 

జానెడు స్థలం నిండు ప్రేమల ఆత్మీయతలు 

నా దోనెలో నీ కాలు మోపి

నా దోనెలో నీ కాలు మోపి 
నా హృదయాన్ని నీదిగా చేసుకొని 
నా దూకుడు తనాన్ని మెతకతనంగా చేసి 
రాయిగా నీకోసం మార్చి వేసి 
మనుష్యులను పట్టు జాలరిగా మార్చిన 
నా యేసు నీ కొరకు నే సజీవ సాక్షిని ... 


సముద్రమంత అడుగడుగు గాలించిన కనులకు 
కానరాని చేపలను రాశిగా కూర్చి చూపి 
నీ మహిమను చూపి  నా మూర్ఖత్వం బాపి 
నీ కొరకు మనుష్యులను పట్టు జాలరినగుటకు 
నాకు శిక్షణనిచ్చి నన్ను ప్రేమించిన 
నా యేసు నీ కొరకు నే సజీవ సాక్షిని ... 


నిన్నువదలను నీతోనే .. నీవెంటే నీ జంట అని 
ప్రేమగా నీతోనే ఉండాలని ఉరుకులాడి
నీకై వచ్చిన సైనికుని చెవినే తెగనరికితీ
నీతో ఉండాలనే తపన తోనే అయినా 
ముమ్మారు నినునే నెరుగనంటినని చెప్పినా 
నా కాపట్యం బద్దలు చేసి నీ ప్రేమతో నను మన్నించి 
నీ సిలువ యాత్ర చూడ నాకు భాగ్యమిచ్చి 
నా హృదయంలో నీ ప్రేమతో చెరగని ముద్రవేసినా 
నా యేసు నీ కొరకు నే సజీవ సాక్షిని ... 


నేను పేతురుని .. 
ప్రభువా నీ కొరకు రాయిగా మారుటకు ..
నీ సంఘం నా మీద కట్టుటకు ఇష్టపడిన వాడిని 
నా యేసు నీ కొరకు నే సజీవ సాక్షిని ... 
   

నీ జ్ఞాపకం నాతోనే ...

నీ జ్ఞాపకం నాలోనే

పువ్వులో దాగున్న నవ్వులా

చంద్రునిలో మచ్చలా

పిల్లనగ్రోవిలో శ్వాసలా

చినుకులోని సవ్వడిలా ..

ఉక్కిరి బిక్కిరి చేస్తున్న

నీ జ్ఞాపకం ...

ఎవరితో ఏమని చెప్పను

నా హృదయం అనుభవిస్తున్న

ఆ భావన ...

నా చుట్టూ నీ ప్రపంచం

చూస్తున్న వాళ్ళకి నన్ను

పిచ్చి అన్నా ..

నీ పిచ్చి ప్రపంచం చుట్టూ అల్లుకున్న

నా శ్వాస తీగలు నిన్ను 

వదలనంటున్నాయి .. 

నీ శ్వాస లేకపోతే అవి బ్రతకవు 

కదా మరి ..

ఎవరికేవో  కనిపిస్తున్న రంగులు

హరివిల్లులో ..

నాకు కనిపిస్తున్న రంగు మాత్రం

నువ్వే కదా ...

నీ నవ్వే కదా..

నీ మాటే కదా..

నీ స్పర్శే కదా ...

ప్రియా ... నీ జ్ఞాపకాల వర్షంలో

తడిసి ముద్దయిన మనసు

నీ మోహన రాగం తప్ప

వేరేది వినంటే ..

నా మూగబోయిన మనసు

ఆ రాగాన్ని ఎలా నేర్చుకునేది ?

ఇక చాలు ఈ ఎడబాటు

ఎక్కడున్నావో

నన్ను చేరు ..

లేదంటే నిజంగానే ఈ లోకంతో

వేరై నీవైన లోకంలో పిచ్చిగా

వుండిపోతానేమో...!!!

ప్రేమకి నమ్మకమనే

కొత్త బట్టలు వేసా ..

ఇప్పుడింకా అందంగుంది ..!!!

అనుమానపు చినిగి పోయిన

చొక్కయితో చింపిరిగా కనిపించి

నన్ను ఇబ్బంది పెట్టింది .. !!

ఎంత మొరాయించింది

అనుమానాన్ని మార్చడానికి

బద్ధకం ఎక్కువైంది దానికి

అందుకే బుజ్జగింపుతో సరిపెడదాం

అనుకున్న కాని మందలింపుతో కూడా

కాని పని .. ఆకలింపుతో

ఆప్యాయత స్పర్శతో అయ్యింది .. !!

నమ్మకంతో ఇప్పుడు కనిపిస్తున్నంత

అందంగా ఎప్పుడు లేదది

చూడ ముచ్చటేస్తున్న ప్రేమ

నా బంగారం ఇప్పుడది .. !!!

ప్రపంచం నీక్కొక్కటే కావచ్చు
కాని ప్రపంచానికి కోట్లలో నువ్వొక్కడివి ...
ప్రాణం నీకొక్కటే కావచ్చు 
కానీ ఎన్నో ప్రాణాలకి ఆశవి ...
జీవితం నీకొక్కటే కావచ్చు 
కాని కొన్ని జీవితాల మనుగడకు ఆధారానివి... 
నీకు నీవు ఒక్కడివే కావొచ్చు
కాని ఉత్తేజమై ఎగిసే శక్తికి 
చీకటినిండిన జీవితాలకు వెలుగయ్యే దీపానివి 
ఆత్మీయత కోసం ఎదురు చూసే హృదయాలకు స్నేహానివి .. 
ప్రతి తప్పును కప్పి అందరికి సమాధానం పంచే ప్రేమవి !!!

గాయపడ్డ హృదయం

ఏముంది నాలో నీకివ్వడానికి 

గాయపడ్డ హృదయం 

మతి తప్పిన మనసు తప్ప ..

నువ్వు త్రవ్వి  వెళ్ళిన గుంటలు 

గుండెల్లో జ్ఞాపకాల

మూల్గులు వినిపిస్తుంటే ..

నువ్వు విడిచి వెళ్ళిన 

పాదముద్రలు మనసున 

నీ స్మృతుల జాడలు 

చూపిస్తుంటే ...

ఆశలను కప్పి ..అయువునే చుట్టి 

ఆవేశాన్ని గుప్పి .. ఆప్యాయతను జొప్పి 

నన్ను నేనే మరుగుచేసుకున్నా

నేను అనే దాన్ని కనిపించి మళ్లీ

నీ గతమై నిన్ను ఇబ్బంది పెట్టకుండా ..

నీకోసం వసంతం అవకపోయినా 

దారి తొలగి దాన్ని ఆహ్వానించే 

నీ ప్రేమ ద్వారపాలకురాలిగా .. 

నీకు కాలేని నీ దానిలా ..