మొక్క

తన పచ్చని దుస్తులను 

తను వేడి వేడి చేతులతో లాగుతూ 

రంగులు  మారుస్తుంటే 

తన కెంత కోపమో ..

అలా నీడ కూడా లేకుండా 

తనని అక్కడే నాటి 

మంటపెట్టక పోయినా 

తన తనువంతా 

వేడి శగల  మంటలతో 

ఎండల కాలంలో 

కౌగలించుకొనే భానుడంటే  

ఆ మొక్కక్కెంత కోపమో 

కిరణజన్య సంయోగం సరే 

కాని తనకి ప్రాణసంకటమై 

తన అస్థిత్వమే  ప్రశ్నార్ధకమయ్యే 

ఈ సంయోగామంటే దానికిష్టం 

లేదట ..

తనని ఇష్టంగా తెచ్చుకొని 

తోటమాలి చేతిలో పెట్టినందుకు 

యజమానిని ..

తీసుకొచ్చి అన్ని మొక్కల మధ్యలో 

ప్రత్యేకంగా నాటినందుకు 

తోటమాలిని 

మరీ కాలిపోయేలా మంటపెడుతూ 

సూర్యుని అగ్నిశకల తాపాన్ని 

పెంచుతున్న ఈ ఋతువును

తిట్టుకుంటూ ...

సత్తువ సరిపోక 

కాళ్ళు చేతులను తన 

ఆధీనం  ఉంచుకోలేక  

వంగిపోతూ ...

నెల వైపు దీనంగా చూస్తూ ...

ఆ మొక్క నోరు తెరచి 

ఎండిపోతున్న తనకు నీరు కావాలని 

నోరు తెరచి అడుగుతుంటే 

దాన్ని చూసేవారేరి ??

వినేవారేరి ?

దాని దాహం సమయానికి 

తీర్చి తన పచ్చదనం 

కాపాడేవారేరి?? 

నా జ్ఞాపకాల సంద్రలో 

నువ్వే నా మత్స్య కన్యక

స్తబ్దుగా ఉండకుండా 

అన్ని వైపులా  ఈదుతూ 

నా అనుభవాల 

తరంగాలన్నిటిని  స్పృశిస్తూ 

నువ్వు హోయలొలుకుతూ 

ఈదుతుంటే ..

నా మస్తిష్కానికి కూడా 

కలిగే చక్కిలిగింతలే ...!!

ఆ మేనిని తాకి 

నా జ్ఞాపకాలు 

పరవశిస్తునాయేమో   ..లేక 

నా జ్ఞాపకాలలో తనే 

ప్రాణమున్న జ్ఞాపకాల చరమని 

మురిసిపోతుందేమో ..!!

తనకు ఇబ్బందని 

నా కన్నీల చేదును కుడా 

గుండెలో దాచుకొని 

తనని అలాగే సంతోషంగా 

చలిస్తూ చరించమని 

నా ఆలోచనలలో  తను 

సహజీవిస్తు ...

తన జ్ఞాపకాలతో 

నేను తరిస్తూ ... 

నేరం..!

మేఘం లా నన్ను కమ్ముకొని 

రగులుతున్న నా గుండె మంటను 

చల్లార్చే ప్రయత్నం 

నా అనుమతి లేకుండా చేయడం 

నీ నేరం..!!

సుగంధమై నా గతాన్ని 

కౌగలించుకొని 

దాన్ని పరిమళ భరితం చేసి 

నన్నే మైమరిపించేట్టు చేయడం 

నీ నేరమే ...!!

ప్రశ్నల పుట్టలోనే దాగున్న 

సమాధానాలను నీ మాటల 

నాదస్వరంలో రప్పించి 

నా భ్రాంతి చీకట్లను తొలగించే 

ప్రయత్నం చేయడం 

నీ నేరమే ..!!

నా ఒంటరి దారుల్లో 

నా అడుగులతో జతకలిసి 

నేనడక్కుండానే నా ప్రయాణం 

పంచుకోవడం కూడా 

నీ నేరమే ...!!

గుండెగదిలో ఒంటరిగా కూర్చొని 

ఆశల తలుపులు మూసుకున్న 

నా చేత తోడుంటావని

తెరిపించడం కూడా 

నీ నేరమే ..!!

నీ జీవితాన్ని నా గుండెవాకిట నాటి 

నమ్మకపు దారి వేసుకొని 

నా గుండెలో ప్రవేశించి 

నా ప్రేమని నీ బానిస చేసుకొని 

ఇప్పుడలా నన్ను వదిలి వెళ్ళకుండా 

నన్ను నేను మరిపిచిపోయేలా 

క్షమించలేని నేరం నువ్వు చేసి 

నీ ప్రేమ నంతా పెట్టుబడి పెట్టి 

దాన్ని అనుభవించమంటూ 

రోజుకో కమనీయ కావ్యంలా 

నా జీవితాన్ని మార్చుకునే శిక్ష 

నాకు వేస్తావా ?

ఇంత అదృష్టం నాకివ్వడానికి 

జీవితాన్నే త్యాగం చేసేంత 

వెల  చెల్లించిన ..

నా ప్రియమైన శత్రువా 

నన్ను గెలుచుకొని నీవు 

జీవితాంతం నీకు ప్రేమించే 

ప్రియమైన శిక్ష నాకేసావ్ ...  

  

నాకు నేను ..ఒంటరి

నాకు నేను ..ఒంటరి 

అలాగే  నాకు నేను అనంతం ..!!

నాకు నేను గెలుపు

అలాగే నాకు నేను ఓటమి ..!!

నాకు నేను -నాలో నేను 

నాతో నేనై - నాలో చేరే భావాల నీరై 

నన్ను చుట్టిన అనుబంధాల .. అనుభవాల 

సారలై ..

మనసు రాగాలు .. మౌనంగా ఆలపిస్తూ 

నా మనసుని నేను తిరిగి చదవడం కోసం 

పరుచుకుంటున్నా భావాల పచ్చదనంపై 

నా మనసులో కురిసే ఆలోచనల వర్షపు 

తుంపరలే .. 

నా హృదయ వేణువు  మనసుతో

పలికించే భావాలే ..

నా మనసు పలికే మౌన గీతం 

మైలు రాయిని

అలసిపోయా ...

రోడ్డు పక్కన ,అలాగే నిలబడి 

వచ్చే,పోయే వాళ్ళకి 

ఇంత కాలం దూరం

ఇంతని చెప్తూ ...

గమ్యాన్ని చూపుతూ ..

వయసు మీద పడిందని 

వానకు తడిచి 

ఎండకు ఎండి 

అప్పుడేప్పుడో ..నన్ను ముస్తాబు 

చేస్తూ వేసిన రంగులు 

అందంగా నా ముఖంపై 

వ్రాసిన ,

తమ గమ్యాన్ని నన్ను చూసి 

తమ ప్రయాణం లెక్కించుకోమని

వేగాన్ని సరిచేసుకొని 

లక్ష్యంతో శ్రద్ధగా గమ్యాన్ని చేరుకోమని 

నా కిచ్చిన , నా మనుగడ 

ఉద్దేశ్యం , ఉద్యోగం 

పూర్తి చేస్తూ ..

ఇంత కాలం సంతోషించా ...

రెండు చక్రాలతో మాట్లాడుతూ 

మొదలు పెట్టి 

కాల క్రమంలో ఎన్ని మార్పులు 

చెందినా వాహనాలను చూసానో ...!

మట్టి దారులు ,తారుతో 

అందంగా మారిపోతుంటే   

చూసి ..నేను వాటితో సంబరపడ్డాను..!!

అప్పుడప్పుడు 

నాలాగే మిగిలున్న పాత మిత్ర 

వాహనాలు ,తమ నవ్వు 

విసురుతూ నన్ను పలకరిస్తాయి 

ఎన్నో ప్రమాదాలు  చూస్తూ  

విలపించిన క్షణాలు ఇంకా జ్ఞాపకమున్నాయి ..

అదో కిలోమీటర్ 

ముందుకు ఎత్థుగా ఒక కొత్త 

హోర్డింగ్ని నిలబెత్తారట ..

తన పరిచయమే నాకు లేదు ..

మార్పుల్లో నేను " పాత "అయ్యాను ..

మార్పుల్లో పడి ..

నేను మార్పును చూస్తూ !!

ఎవరో మార్చితే గాని మారలేని నన్ను 

పట్టించుకునే తీరిక లేని వారు ...

ఎలా నా వైపు చూసేది .. 

చుట్టుపక్కన ఉన్న మనుషులనే 

పట్టించుకోలేనివారు 

ఎలా ప్రయత్నం చేస్తారు 

ఎన్నో జ్ఞాపకాలను

అలా గుండెల్లో దాచుకొని 

విరిగిపోతున్నా .. రాలిపోతున్నా 

నేను " మైలు  రాయిని "...

ఇలా రోడుపక్కన నిల్చొని 

గతంలో భాగమవుతూ 

గమ్యాన్ని దగ్గర చేస్తూ ...

ఒంటరి ప్రయాణాల్లో 

అడుగు కలపకపోయినా ..

లక్ష్యం చేరమని నవ్వుతూ  సాగనంపుతూ .. !! 

ఫేం టో స్

ముద్దాడన వాన చినుకు

పాదాల్ని... నీ పెదవులపై తచ్చాడినందుకు ..

చూపుల తాళపు గుత్తులతో .. 

ఇంకా ఎన్ని గదులు తెరవాలి నా గుండెలో ..

కళ్ళు రాజీనామా చేస్తాయట 

ఎదురు చూపుల ఉద్యోగం చేయలేక ...

నా కనుల చెలమలో ఊరే 

నీరు .. నీ ప్రేమ పాదాలు తాకాలని .

జీవితకాలం గడిచింది .. 

మళ్ళీ మొలకెత్తడానికి విత్తనం అవ్వు ..

ముక్కుపై కూర్చున్న కోపం ..

ముక్కెరై తన అందాన్ని పెంచుతూ ...

చీకటి మూటలో నేను ఉన్నా

... జ్ఞాపకం అని నన్ను అందులో చుట్టేసాడుగా ...

గుండె గిల్లావ్ ...

కందిపోయేది నీ బుగ్గే అని తెలియక ..

తలబడుతున్న చూపులు .. 

గెలుపు ఓటముల్లో ఒకటవుతూ ...

రాలిపోతున్న ఆకును .. 

పండలేదు .. నీ జ్ఞాపకం కోసివెల్లింది ..

తన మాటల్లో కత్తెర ... 

నా కోరికలు చెప్పకుండానే కత్హరిస్తూ ..

నిన్ను కాపాడుకోడానికి 

నేను ముళ్ళు లాగానే వుండాలి ...

ఎర్రబడ్డ కళ్ళు .. 

చీకటిలో కూడా నిన్ను చూస్తూ ...

నీ మాటలో లోతులు .. 

మునిగిపోతున్న నాకు మాత్రమే తెలుసు ..

అదరాల మీదే ఆసినమై

నీ పేరు .. ప్రతి మాటను దాటి పోనివ్వక 

తన జేబుకెన్ని కుట్లో ..

గుండెని జారి పోనివ్వకుండా కుటుంబ పెద్ద .

తనకు -" ఇంకా " అనే పదమే

సర్వం ... సంద్రంలా నా మాటల నీరు కావాలంటూ ...

గాలి ఇంటికి దారి చెప్పరూ ?? 

తన శ్వాస నింపుకొని రావద్దని చెప్పాలి ...

మనసు పుస్తకంలో

నాలో నాకే తెలిసిన గతం 

తనలో నేనై కనిపించి 

కబుర్లు చెప్పిందట 

తన మనసు పుస్తకంలో 

గతాన్ని సిరాగా నింపుకొని 

వ్రాస్తూ ఉందట 

వ్రాయలేని ,చెప్పలేని ,విప్పలేని 

మనసు సంగతులు ...

నా గతం ..కాల గర్బంలో 

కప్పి పెట్టి ..

కళ్ళకు మనసుకు 

గంతలు కట్టి ..

మరిచిపోవాలని

భాధలు సంతోషపు గుళికలను 

మింగితే ...

వికటించి ఒంటరితనాన్ని 

ఇచ్చి .పక్కున నవ్విందట ...

అయినా  నేనంటే 

తనకు ఇష్టమే అని 

హృదయాన్ని నా కోసం 

రాసి ఇవ్వడానికి 

సుముఖత తెలిపే తన 

సహ్రుదయం..సంతోషం 

-నటనగా మారిన ప్రేమలు 

కుడా సిగ్గుపడేలా..

నిజమైన ,నిష్కపటమైన ప్రేమ ఇది

అని చెప్పుకునేలా 

తాను చేసిన సాహసానికి 

నా ఆజన్మాంతం నేను తనకు 

భానిసనే ..

నా గతం సాక్షిగా ..

వ్రాసి ఇస్తున్నా ..తనకు 

నన్ను నేనే 

నా అప్పగింతల పత్రం

నాకు నేనై  .. 

నడుస్తూ నడుస్తూ

నడుస్తూ నడుస్తూ 

నేనేక్కడికొచ్చి ఆగాను ?

తెలియని చోటులాగా లేదు 

తెలిసిన మనుష్యులు 

కనిపించడం లేదు ..!

తలుపు తట్టాను 

తను తలుపు తెరిచింది 

ఆశ్చర్యం ..వెతుకుతున్న 

ప్రేమ ఇక్కడుంటుందని..

నా కాళ్ళ కెలా  తెలుసు ..?

అవును నా మనసంతా 

తను  నిండుకొనివుంటే

నాకు తెలియని ఆకర్షణ శక్తి 

ఏదో ..తనపై నన్ను 

తనకు తెలియకుండా 

లాగుతుంటే ..!!

తన కళ్ళలో నన్ను చూసా 

నా కళ్ళలో తనను నింపుకున్నా 

తలుపు మోహనా వేసినా 

కళ్ళలో నింపుకున్నా తనను 

గుండెల్లో పెట్టుకొని 

జీవితాంతం తన ప్రేమకై 

గువ్వ పిట్టలా కనిపెడుతూనే 

ఉంటా ..!!

తను నన్ను చూసి నవ్వింది 

వెంటనే చుక్కల వర్షం 

జల్లులై నా మీద కురిసింది 

నాలో ఉన్న ప్రేమ 

తనలోకెప్పుడు చేరి 

రెండు హృదయాలకి 

దారి ఎప్పుడు వేసిందో 

తెలియదు కాని ..!!

నాలో నుంచి నీలోకి 

నీలో నుంచి నాలోకి 

తెలియకుండానే నన్ను నిన్ను 

తడుముతూ ..పెనవేసుకుంది 

ఆహ్వానిస్తుంది ..!!

చిరునవ్వు సంతకం 

తన హృదయం నాదైన 

ఆస్తిగా చేసుకోమంటూ 

ఒట్టు ఎవరి మొహం చూసానో 

ఉదయమే ..

రుణపడి ఉంటానని  నవ్వుకుంటూ ..

నడుస్తూ నడుస్తూ ..

నేను నా ప్రేమని 

నా జంటను చేసుకున్నానని ..    

కలల నావ

కలల నావ నెక్కి 

నిన్ను చేరా ..

చీకటి దారుల్లో 

ఎంత కష్టమయ్యిందో ..!!

చీకటిలో దారివెత్త్తుక్కోవడం

కష్టమే కాని 

చలువ చూపుల 

కాంతులు విరజిమ్ముతూ ..

కనీ, కనిపించకుండా 

చూపి ,చూపించకుండా  

దారులు చూపింది నాపై 

ప్రేమతోనే కదా ..

అందుకోసమే 

విస్సుక్కోలేదు ..!!

ఆశల తెడ్లు వేస్తూ 

శూన్యంలో ..

నా నావ ప్రయాణం 

నిన్ను చేరేదాక 

సాహస ప్రయోగమే 

సుమా ..!!

వెండి మబ్బులో దాక్కుని 

దోబుచులాటలో నువ్వు 

తీరిక లేకుండా వున్నా 

నీ కోసం .."నా మనసు "

నిన్ను హత్తుకోవడం కోసం 

.."నా కనులు "

తెగ ఆరాటపడుతున్నాయి ...!!

ఆ పూర్ణ బింబం నా మనసును 

నీదిగా చేసుకుంది 

అందుకేనేమో 

నీ అందమైన తనువుకు 

ఆ నల్లటి మచ్చలు 

నా రేడువైన నిన్ను 

నా హృదయసీమలో 

అలాగే ప్రతిష్టించ్చుకోవాలని 

నా తపస్సు ..

వరమిస్తావా ? 

నిన్ను ఆ జన్మాంతం 

ఇలాగె చూడాలని కోరిక ..

చోటిస్తావా ?

నీతో ఇలాగే గడిపే ..

ఆనందం సొంతమవ్వాలని ... !!

నీ ప్రేమ లోగిలిలో 

నీతోనే ఉండాలని ... !!

ఏదో ఒక చిన్న ఆశ 

నా మనసును తను ఎక్కడుంటే 

అటు నడిపిస్తూ 
మారు ప్రశ్నించలేని మనసును 
తన బానిసను చేసుకుంటూ ...

నీ పిలుపుకై వేచి ఉన్న 
హృదయంలో 
ఒక్క మాటతో స్పందన కలిగించి 
నన్నే మరచిపోయేలా 
మతిమరుపును  బహూకరించి 
నీ అడుగులు వెతుకుతూ 
నీ మాటలనే వెంబడిస్తుంటే
నీకిప్పుడు సంతోషమే  కదా ..?

అలసిపోయిన కళ్ళకు 
సేదతీరే తీరికెక్కడిది ?
నీ మాటలను ఏరుకునేందుకు
మనసు నన్నే మరిచిపోతే ?

సుదూర తీరాలలో 
ఆ వెన్నెల వెలుగుల్లో 
నీ చిలిపి మాటలతో 
నాకు నేను కాని నన్నులా 
నీ హృదయాన్ని నీ చెప్పు 
చేతల్లోకి తీసుకున్న 
మాంత్రికుడిలా 
ఆ నవ్వు చూడు ..!!  

తను రాక ముందు

తను రాక ముందు 

నా మాటలు సరళ రేఖలు 

కాని ఇప్పుడు ఎన్ని 

వంకరలు తిరుగుతున్నాయో 

సిగ్గు, బిడియం అనే 

పదాలను ఇంతవరకు 

అవి వినడమే కాని 

ఇప్పుడు నా మాటలు నాకు 

వాటి అర్ధాలను బోధిస్తున్నాయి ..

ఇంత వరకు వాటి స్నేహం

చెవులతోనే..ఇప్పుడు 

అదేంటో తన మాటలు 

వినబడక పోతే గిల గిలా 

కొట్టుకునేలా 

మల్లెలై  మైమరిపిస్తున్నాయి 

ఆదేశాలు ఆంక్షలు 

ఆరాటపడే భావాలు 

మాటల కందని మకరందాలు 

నీ పెదవులనే ఆస్తులుగా చేసుకొని 

తన స్వంతమయ్యే ప్రయత్నానికి 

నాంది పలుకుతున్నాయి ..

జ్ఞాపకాల నొదిలి

నీ జ్ఞాపకాలు నా పెదాలపై 

ఎరుపు రంగు తెచ్చాయి 

చలనం లేని పెదాల రేకులకు 

వణుకును పుట్టిస్తున్నాయి   

తేనె ధారలూరే 

మనసు బావి నువ్వై 

తీపినంతా నింపుకున్న 

చెరుకుగడ నువ్వై 

రుచి చూపిస్తున్న 

జ్ఞాపకాల  నొదిలి నేనెక్కడికెల్లను ?

నీ స్మృతుల  మధురిమలను వదిలి 

ఎలా మనగలను?

నీ ప్రేమకై తూకం

తూకమేస్తున్న నిన్ను ప్రేమిస్తున్నా

అని చెప్పడానికి ఎన్ని మాటలు 

కావాలో అని .. ?

ఎక్కడ మాటలన్నీ తేలికవుతున్నాయి 

నీ ప్రేమ మాత్రం 

ఇంచు కూడా పైకి లేవట్లేదు .. 

అంత ప్రేమించావా ఏంటి ?

కొండంత ప్రేమ 

కడలి అంత ప్రేమ 

ఆకాశమంత ప్రేమ 

నాది అని చెపుతూ ఊరేగే వారు 

ఉన్నారని తెలుసు 

కాని మౌనంగా ఇంత ప్రేమ 

ఎలా పెంచుకున్నావ్ 

నా మీద ??

నీ వైపు చూసినప్పుడల్లా 

నా వైపుకు ప్రవహించే 

అభిమానమే తప్ప .. 

ప్రేమ కనబడలేదే 

అని పొరబడ్డానా?

ఏమో ... నీ హృదయపు  సముద్రంలో 

ఇంకా ఎంత గుప్త ధననిధిలా 

ప్రేమ దాచుకున్నవో 

తెలియదు కానీ .. 

ఈ ఒక్క సారికి 

నా ప్రేమను నీ ప్రేమతో 

సరితూగ నివ్వవా?

నీ అడుగులో  అడుగు వేసే

అర్హత కోసం ఈ విజయం 

నన్ను వరించనివ్వవా ..  ?

ఫెం టో స్

నువ్వున్నావని కలల కాలువలు త్రవ్వా

ఇప్పుడు నీతో నిదుర తీసుకెల్లావ్

అడుగుల ఆకలి తీరేది .. 

నీ జాడలు వెతికి నిన్ను చేరినపుడే ..

అక్షరాన్ని నీ ప్రేమ తోటలో 

నాటా.. అందమైన కవితను పండించింది...

నీ నవ్వుల పువ్వులన్నీ ఏరి .. 

జ్ఞాపకాల దారంతో అల్లి నా గుండెకి వేసా ...

మట్టి వాసనలో బాల్యం 

చూపించి వర్షం నా తిట్లను తప్పించుకుంది .

వయసు ఒంటరి అయిందట .. 

ప్రేమేమో పుస్తకాలు రాస్తూ కాలిగా లేదు 

ఈ వైపుకు తిరగమంటే 

కరిచింది పువ్వు పై గండు చీమ .. అలకట

ఫెంటోస్

తన కన్నీళ్లు .. 
నా మనసున వేసవికోపానికి చన్నీళ్ళు ..


ప్రేమా... నువ్వున్న కలలన్నీ...
నా హృదయంపై పండిన గోరింటాకు ..


ఇంకెంత కాలం ఈ నా ప్రపంచం 
నీ జ్ఞాపకాలు తింటూ గొంగళిపురుగునై...


భావాలన్ని నింపినా తన
గుండె నిండదే ??.. దానికెంత స్వార్ధం ...?

నేను అడివి మల్లెను ..

నాలోని తేనె తప్ప నేను కాలేనా నీ ప్రేమ ...??

నా హృదయం గాజు పంజరం 
అందులో నుంచే ప్రపంచం చూడు .. 

ఇది అనుమానపు మాటా ? లేక అతని ప్రేమ మాట ?

ఫెం టో స్

గడియ వేసుకున్న కలల

తలుపులు ... నిన్ను వదలిపెట్టబోమని...

నా కన్నీటికెంత చిక్కదనం ... 

నా గుండెలో నీ ప్రేమకై జరిగే మధనం ..

ఒక్క నవ్వు విసురు .. 

గుండె తటాకం తటస్థంగా భయపెడ్తుంది ..

నా నీడ రంగులమయం ... 

నీ వెంటతిప్పుకుని ప్రేమలో ముంచావట ..

ఏంటో మసక బారిన మొహం .. 

నవ్వు దీపం చతికిలపడిందా ...?

తన మాటకెన్ని వయ్యారలో .. 

పెదవులే సిగ్గుపడి గర్వపడతాయి ....

అశ్రునివాళి

అశ్రునివాళి ... ఈ అక్షరాలలో 

ఎటని వెతికేది ?

మీ అమ్మ నీ నవ్వు కోసం 

ఎవరిని అడిగేది ?

మీ నాన్న నీ మాటకోసం 

ఏ ఆదరణ ఓదార్చేది 

నీవారి కన్నీరు 

ఆపటంకోసం....

నీకోసం ఆరాటపడ్డ 

ఆ హృదయం ఇంకా 

తన మొబైల్ వైపు చూస్తూ 

నీ కాల్ కోసం ఎదురుచూస్తుంటే 

ఎవరు ఓదార్చేది ఇక 

నీవు ఇకరావు అని చెప్పడంకోసం 

నిషి ..

నీదారిలో వెళ్తూ చూస్తూనే ఉన్నావుగా 

ఎన్ని హృదయాలు కరిగి 

పిలుస్తున్న కన్నీరు 

ఎలా ఓదారుస్తావ్ 

ఏమాటని నీ కబురుగా పంపుతావ్ ??

ఈ అక్షరాలలో 

నీ జ్ఞాపకాలేరుకొని 

నీ దారిలో మేము ఒకరోజు రావాలని 

జ్ఞ్యప్తికి తెచ్చుకొని 

నయనాలు నీ జ్ఞాపకాలను తోడుతుంటే 

చెప్పలేక చెప్తున్నా 

ఇవ్వలేక ఇస్తున్న అశ్రునివాళి ...  

(Dedicating this to NISHI BOPLAY .. Femto's Group memeber on her sudden demise on 23rd apr 12.. )

ఎందుకొచ్చిన ఏడుపు

ఎందుకొచ్చిన  ఏడుపు 

ఆపితే బాగు 

ఎటేల్లాలో తెలియని కన్నీటికి 

దారి చూపితే బాగు 

ఒక గుండెకి నీటి ఎద్దడి 

మరో గుండెకి అతి వృష్టి 

గెలుపువల్లన్నో  ఓటమివల్లనో 

తెలుసుకునే ప్రయత్నం చేస్తే బాగు 

ఆ కంఠం విసిగిపోయిందే ?

నులిమే ఆక్రోశం చేతిలో 

తన గుండె ఓడిపోయిందే ?

ఊరడించే ప్రేమ మాటల 

హత్తుకోలు ఇచ్చి 

కన్నీటి ద్వారాన్ని మూస్తే బాగు 

బండరాళ్ళ గుండెల్ని కరిగించే 

ఎండిపోయిన మానవతా విలువల్ని 

ప్రశ్నించి మేల్కొలిపే 

ప్రేమాప్యాయతల్ని నీటివనరై పెంచే 

హృదయపు బాధను కడిగి  యిట్టె 

శుభ్రం చేసే 

విజయపు ఉనికి చాటి చెపి గుండెని 

ఊరడించే 

ప్రాయశ్చిత్తపు నైవేద్యమైన 

కన్నీలను అవసరానికే వాడితే బాగు 

కన్నీటిని వృధా చేయొద్దని చేసే మనవి 

అర్ధం చేసుకుంటే బాగు 

కన్నీటి జ్ఞాపకలేనా

ఏంటి ఈ పూలు 

నా పడక నిండా 

కలలో కన్నీరై 

కంటినుడి కారిన 

కన్నీటి జ్ఞాపకలేనా ?

ఏంటి ఈ పరిమళాలు 

నన్ను వీడిపోడానికి 

నీ చేయి నా చేతిలోనుంచి 

తీసుకోడానికి 

నువ్వు చల్లిన 

మత్తుసుగంధాలెనా ?

ఏంటి చిందర వందరగా 

పడి వున్న వస్తువులు 

వెళుతూ వెళుతూ 

నీ జ్ఞాపకాలను 

చెరిపేసే ప్రయత్నమేనా ?

చేతిలోచేయి తీసేసినప్పుడు 

విశ్రాంతి తీసుకుంటావేమొ అనుకున్న 

దారులు వెత్తుకునేందుకు 

నిద్దరపుచ్చుతావనుకోలేదు 

నాతో చెప్పిఉండొచ్చుగా ..

కలలో కుడా నీ జ్ఞాపకాన్ని 

హత్తుకొని ఉండి 

నన్నోదిలేసే క్షణం నీకు 

వీడుకోలు కుడా చెప్పలేకపోయా 

మళ్ళీ వస్తావని తెలుసు 

నా హృదయం ప్రేమ తీపి 

నిను మళ్ళీ నా వైపు 

లాక్కోస్తుందని తెలుసు 

అప్పటివరకు 

ఈ పూలను వాడిపోనివ్వను

నా కన్నీటి సాక్షిగా 

సంతోషం సమాధిగా

ఒక్కదాన్నే

 ఓడిపోయిన దాన్ని 

వీడిపోయిన అనుభవాలతో 

బ్రతుకునీడుస్తున్న దాన్ని 

అలా వచ్చి నన్ను తాకితే 

విజయమే అని పొంగి పోయా 

నాలుగు దిక్కుల పరిమళాన్ని 

మోసుకొచ్చి నాపై చల్లితే 

ఇంత ప్రేమకు ఎంత అదృష్టం 

చేసుకోవాల్లో అని సంబరపడ్డ 

మాటల భిక్ష వేస్తూ 

మోసం నటించి .. 

మనసును తెలియకుండా

నీ వశం చేసుకొని 

మౌనం మోసపు బహుమానంగా 

ఇచ్చి 

నా సమయాన్ని నీపై వెచ్చించి 

నందుకు 

నాకు ప్రతిఫలంగా వేసిన శిక్ష ఇదేనా ?

ఒరిగిపోతున్న  నేలకు పుప్పొడి మోయలేక 

తేలిక చేసి తోడుంటావనుకున్నా 

ఉన్నంతసేపు నా పెదాలను ..

నా మోము నోదలలేదు 

ఇప్పుడు నేను ప్రేమతో పిలుస్తుంటే 

చులకనగా చూసే 

ఆ చూపుల వెక్కిరింతల శూలాలు 

గుచ్చుతుంటే 

నాకెందుకు ఈ జన్మఅనిపించేంత 

మోసం చూపిస్తే 

ప్రశ్నలే తప్ప సమాధానం 

చెప్పలేని పుస్తకమే నేనైతే 

విచ్చుకున్న రేకుల  కొనలు

 పిల్లగాలిని కూడా దరిచేరనివ్వక 

గాయపరుస్తుంటే 

మానసికంగా నీ దాన్ని అయిన నన్ను 

నీ కనుచూపూలతో శాసిస్తుంటే 

వాడిపోడానికైనా  ఇష్టం 

లోకం వదిలి వెళ్ళిపోవడం కూడా ఇష్టమే 

నీ సాంగత్యం లేని జీవితం 

సంతోషం సమాధిగా అయిన జీవితం 

నాకెందుకు ??