ఎండా వానకి దేహమిచ్చి

చెదురు ముదురుగా 
చిక్కు ముడులుగా 
చెల్లా చెదురై పడి 
నీకోసం చూస్తూ 

ఒక్కొక్కటిగా 
అటు ఇటుగా
ఎటెటో ఎక్కడెక్కడో
నీకోసం కళ్ళలో
ఒత్తులేసుకోని జపిస్తూ

రయ్యిమని పరుగెత్తే
కాలపు వాహనంలొ ఎక్కి
నన్నిక్కడే ఉండమని
చెప్పి వెళ్తే

ఎండా వానకి దేహమిచ్చి
గాలి నీరుకి ఆనకట్టలు
కడుతూ
నీ నిశ్వాస కబుర్లని వెతుకుతూ
వర్తమానానికి వంతెన వేసేందుకు

ఎప్పుడొచ్చి నన్ను ఏరుతావో
ఒక్కచొటికి కూర్చి నా మాటల్ని
నా కలలని నీ చూపుల ఉలితో చెక్కి
నీ శ్వాసతొ తడిమి
ఊపిరి పొసి నిలబెడతావో అని
నా అనువణువు ఎదురుచూపు

BY-Mercy Margaret ♥(21/7/2012)♥