జీవితం ఒక మంచి కాఫీ లాంటిదే

నిమిషాలన్నీ 
కాఫీ చుక్కలుగా 
కాలాన్ని కాఫీ చేసుకుని తాగెయ్ 

ఒక్క కప్పు కాఫీ రుచిగా 
ఉండడం కోసం 
జీవితాన్నిమరిగించే 
పిచ్చి వారిలో నువ్వూ 
ఒక దానివేగా 

వేడి వేడి పొగల్లో తన
జ్ఞాపకాలతో నింపుకున్న శ్వాస 
ఆవిరై పోనివ్వక 
తన మాటలన్నీ 
చెక్కర గుళికలుగా చేసుకో 
ఆ పోగానంతా పీల్చేసుకొని 
గుండెల్లో నింపుకో 

అక్కడే తను ఘనీభవించి పోయేలా 
ఆ ఆవిరులకు 
నీ తలపుల వెచ్చని కౌగిలి 
జోడి చెయ్ 

చూడు అప్పుడు జీవితం 
ఒక చక్కటి కాఫీ లాంటిదే కదా !