నాకు నీకు

నాకు నీకు
ఎంత దూరం?
కంటి పాపకి
కను రెప్పకి
మధ్య ఉన్నంతా

నాకు నీకు
ఎంత సామిప్యం?
నా కన్నీళ్ళలో
నీ కాళ్ళు ఊపుతూ
నా కను పాపలో నువు
దాగినంత

నాకు నీకు
మధ్య ఎంత సాంగత్యం?
నీ రూపం నా కళ్ళలో
చిత్రీకరించుకుని
అలాగే యుగాల వరకు
కళ్ళు మూసుకునేంత

నాకు నీకు
మధ్య ఎలాంటి సహచర్యం?
కళ్ళలో పడ్డ నలకని తోడేస్తూ
నీళ్ళలా నేను బయటికి
వెళ్ళేంతా

మరి నీకు నాకు
మధ్య ఉన్నదేంటి?
నాకు దృష్టిగా ఉండి
నా దేహానికి చూపుగా మారి
నాలో భాగమైన
ఆ కళ్ళే నీవు
నా ప్రేమ

by-mercy margaret (22/8/2012)