అంటు
ముగిస్తూ
అమ్మొచ్చింది
-"ఇంత రేతిరి దాక
అన్నం తినక సదువుకుంటే
ఎట్టా కొడుకా?
ఈ సారి ఎప్పటి లాగే
మండలం అంతా ఇనిపించేట్టు
మార్కులు నా కొడుక్కి కాక
ఎవరికొస్తాయ్ లే పట్టు "
గింత అన్నం తిను
అంటూ
ముద్దలు తినబెడుతూ
కళ్ళలో సుడి తిరిగే
కన్నీళ్ళను
అన్నం ముద్దలతో లొలొపలే
మింగెస్తూ
తనని తాను
సముదాయించుకుంటూ
పదకొండు దాటుతుంటే
చెరువుగట్టుకై బయల్దేరుతుంటే
*******
-" ఇంకెన్ని రోజుల్లేవే
మన చిన్నొడు సదువైపోగానే
ఉద్యొగంల జేర్తడు
గీ అప్పులు సప్పులన్ని దీరిపోతయి
నన్ను పెద్ద ఆస్పటళ్ల జూపెడ్తడు
నువ్వు గా యేడుపాపు "
అమ్మ కన్నీళ్ళు తుడుస్తూ
అయ్య
అడుగు వేయడానికి
వీళ్లేకుండా ఎవరో
కాళ్ళు రెండూ విరగొట్టి
పక్కన పడేసినట్టు
నన్ను ముద్దలా చుట్టి మూటకట్టినట్టు
అక్కడే
కులబడి పొయి తను
****
రక్తంలో మరుగుతున్న
తెలంగణా
అమ్మ ప్రేమ
నాన్న ఆశలు
ఇప్పుడు తను సైనికుడే
ఎవర్ని గెలిపించాలి
కన్నీట్టి చుక్కలడిగే
ప్రశ్నల్ని చెంప పైనే
తుడిచేస్తూ
"చచ్చి తెలంగాణా కాదు
చావగొట్టి తెలంగాణా"
అని
అతని డైరీ లో పెద్ద పెద్ద
అక్షరాలే రాసుకొని
మరో ప్రస్తానం వైపు
ఎర్రటి సంద్రంలా బయల్దేరాడు..
BY-Mercy Margaret (14sep2012)
------------------------------
