ఒక పరీక్ష ..

మరణం చుట్టూ ఎప్పుడు ఒక వలయం 


రహస్యాలను చేదించలేని 


కృష్ణబిలంలా , బెర్ముడా ట్రైంగులెర్లా ఉంటుందేమో ..?


మనిషిని కౌగలించుకునేలోపు ఎన్నెన్ని 


నిజాలు బోదిస్తుంటుందో?


ఊపిరి దారాన్ని లాగుతూ 


కళ్ళలోని తడిని ఎండకాలం భూమిలా


పీల్చెస్తూ


గొంతులోని మాటలన్నీ మూటకట్టి బిగిస్తుంటే


గుండె గోడలు చివరిగా ఏ జ్ఞాపకలతో


ఎవరిని తలచుకుని బీటలువారతాయో ?


చల్లబడ్డ మట్టి ముద్దలా శరీరం


పనికి రానిదయినప్పుడు


అప్పుడు


నిన్ను చూసే


"ఆ కళ్లకు " చెప్పే సమాధానం కోసం


ఆలోచించే సమయం ఉంటుందో లేదో ?


పరీక్షించుకో ఇప్పుడే


----- (7/6/2013)---