నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
నేను కడుపులో వున్నప్పుడు
మగపిల్లవాన్నని నువ్వు కన్న కలలు
నిన్ను చూసి నవ్వాయనా ?
నాన్న నీకిచ్చిన అవకాశం నాతో
ముగుసిపోతుందేమో అని భయమా?
పున్నామ నరకం నుంచి నేను
తప్పించలేనని వేదాలు చెప్పయనా?
నాకు కట్నం కోసం మీరింకా
ఎక్కువ కష్ట పడాలనా?
ఇక్కడున్నాను ?!!
ఆడపిల్లననేగా ?
నేను ఆడపిల్లనవడం నా తప్పుకాదు
కదా అమ్మా ...
నీ కడుపులో మోస్తునంత సేపు
తొందరగా బయట పడి పెద్దదాన్నయి
నీ మొహంలో నవ్వు నిమ్పాలనుకున్నా
ప్రతి నిమిషం నేను నిన్ను తంతూ కడుపులో
తిరుగుతూ తినకుండా చేసినప్పుడు
ఎప్పుడు నా చేతితో గోరుముద్దలు
తినిపించాలని ఆరాటపడ్డా ..
నీ కలలు నా కలలుగా మార్చుకొని
నీకు సంతోషం బహుమానంగా
ఇద్దామని ...
నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
కళ్ళు తెరవగానే నీ అందమయిన
నాకు పంచిన రూపం చూద్దామనుకున్నా
నువ్వు నా చెక్కిలిపై ముద్దు పెట్టి దగ్గరకు తీసుకుని ఆనందిస్తుంటే
నీ కళ్ళలోని నన్ను చూద్దామనుకున్నా
నా చిన్ని వేళ్ళను మెల్లిగా నిమురుతూ
నా నొసటి పై నీ ముద్దు పెడితే
నా ప్రపంచం ఇంత అందంగా ఇచ్చినందుకు
దేవుడికి కృతజ్ఞతలు చెప్పాలనుకున్నా
కాని ఇప్పుడు
నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
ఈ చెత్త కుప్పలో
వదిలేయడానికిచ్చేపుడు
నా వేళ్ళు నీ వేళ్ళను పట్టుకొని
వదిలి వేయలేనప్పుడు
ఎలా భరించావమ్మా ??
ఒంటి మీద బట్టలు కప్పడానికి
కూడా వృధా అనే భావన ఎలా వచ్చిందమ్మా
ఇలా వదిలేసిన నన్ను చూసి
చెత్త కుప్ప కూడా భాదపడుతుంది
మీకెందుకు అనిపించలేదమ్మా
నాతప్పేంటమ్మా .. ??
ఇక్కడున్నాను ?!!
ఆడపిల్లననేగా ?
అమ్మా అమ్మా ....
భయంగా ఉందమ్మా..
కుక్కల అరుపులవిగో
అమ్మా అమ్మా ఎక్కడున్నావమ్మా
ఆత్రంగా చూస్తున్న వాటి చూపులవిగో
అమ్మా ... అమ్మా ..
నన్ను తీసుకెల్లమ్మా ....
నన్ను తీసుకెల్లమ్మా ... :(
