తన కలలు నా కళ్ళతో చూసా
నా వాటికన్నా అవి ఎంతో అందంగా
నా వాటికన్నా అవి ఎంతో అందంగా
ఉన్నాయి ..!!
నా కలలో నాకు లేని ఉనికి
తన కలలోకి అడుగడుగునా ..ఎలా ?
నన్ను నే ప్రేమిస్తున్నానన్నది నిజం
కాని నా కన్నా నన్ను తను ఎక్కువ
ప్రేమిస్తున్నాడన్నది ఇంకా నిజం
నా ఊపిరి ధారలు
నా కళ్లలోకి ప్రవహిస్తే
వాటికి జీవం కాని ఇదేంటి ..!!??
తన కళ్ళను వెతుకుతూ
నా కలలు వెళుతున్నాయి
నా కలలకు కూడా తన కళ్ళే నచ్చాయేమో ?!
తన అంత అందంగా ..
నా కలలను నేను పూయించలేనని
వాటి హృదయాన్ని విప్పాయేమో...?
తన జాడలు వెతుకుతూ
నా కలలు తన కళ్ళ వైపు
వరుస కట్టినప్పటినుంచి
నా కంటికి నిదుర కరువయ్యింది
తన కంటికి మెలుకువ వీలుకాకుంది
ఔరా ! తన ప్రేమ నా కళ్ళను
కలలను కూడా గెలిచిందా ?
