Friday, June 29, 2012

ఆకు పరదా వెనక దాక్కుని 
దొంగ పిల్ల 
ఎలా చూస్తుందో చూడు
నా పలకరింపుల తొలి చినుకు తనని తడమగానే 

తన వైపే
చూస్తున్నాన్నా అని
తొంగి తొంగి చూస్తూ
అప్పుడప్పుడే నేర్చుకున్న
సిగ్గునంతా ఒలకబోస్తూ

ఓర చూపులతో
మనసు ఉక్కపోతను
చల్లార్చే మంత్రం ఏదో ఇప్పుడిప్పుడే
నేర్చి నా మీద ప్రయోగిస్తూ
తొందరపెడుతూ గుండెని
మైళ్ళు పరుగెత్తిస్తూ

విచ్చుకున్న నుంచి దాచి
పరువాల సిగ్గు
తొలకరిన నన్ను కలిసే
వేళ కోసం ఎదురుచూస్తూ
గాలితో తను పంపిన మూగ మనసు ముచ్చట్లు
నన్ను చేరాయా లేదాని వాకబు చేస్తూ

ఎంత నేర్చిందో చూడు
నా మరదలు పువ్వు ..
కురిసేవరకు నాతో చిలిపి గొడవ
పడుతూ ...
పిలిచి పిలిచి ఇప్పుడేమో దొంగాటలడుతూ...

-దొంగ పిల్ల...!!

♥--{@ BY -Mercy Margaret (26/6/2012...3.55am) @}--♥