Friday, November 30, 2012

ప్రియమైన ....

నువ్వు గుర్తొచ్చినప్పుడు 
గోడ వైపు మరలుతాను కాని 
నా కన్నీళ్లు తుడిచేందుకు గోడకి చేతులు లేవుగా
వినడం తప్ప ఏం చేయగలదు 

ఎదో రాయాలని మొదలు పెట్టిన ప్రతి సారి 
మనసు నీ ఆలోచనలని తింటూ 
మళ్ళీ నా వైపు ఎగిరిరానంటుంది


అందుకే దానితో నేను అక్కడే ఉండిపోతాను

నీ జ్ఞాపకపు ఇంటి తలుపు తడుతూ 

నువ్వు రాసిన ప్రతి పదాన్ని 
పది సార్లు చదువుతుంటాను .. 
చదివినంత సేపు నా ప్రక్కనే ఉండి రాసిన క్షణాలు 
గుర్తుచేసుకుంటూ ..

చూసి చూసి జ్వారానికి జాలేసింది మరి 
అందుకే నన్ను కౌగలించుకుని 
నిన్ను మరిపిస్తూ ఈ లేఖ రాయిస్తుంది 
ఎదురు చూపులతో 
అందుకోగానే సమాధానం ఇస్తావు కదూ 




-------------- by Mercy Margaret (17/11/2012 ) --------------------