ఆత్రుత

అక్కడ

ఓ మూలాన కూర్చున్న ఆలోచన 

కలంలో అక్షరాలని ఒద్దికగా నింపుతుంది 

ఆ కాగితం 

తనపై పరుచుకోబోయే భావాలకై ముస్తాబవుతూ 

రెప రెపల రాగం ఆలపిస్తుంది 

పుస్తకం లోని నెమలీక మెల్లిగా నవ్వుతూ 

కాగితంతో సరాగాలాలపిస్తుంటే 

సన్నగా నవ్వుతూ ఆలోచన 

చేతి వేళ్ళకు అంటుకున్న అక్షరాలను తుడుచుకుంటూ 

జిడ్డుగా ఆ వేళ్ళకు అంటుకున్న వాటిని 

పరీక్షగా చూస్తుంది 

అవి 

నీపేరు లోని అక్షరాలే 

చేతి వేళ్ళకు అంటుకొని అలా వేలాడుతూ 

మరో మధుర కావ్యం నీకై బహూకరించేందుకు 

వేళ్ళతో సరసాలడుతున్నాయి ..

(18/11/2012)