మాటలు మోస్తున్న బానిస

మాటలు మోస్తున్న బానిస కూలిని 

ఎప్పుడైనా చూసావా ??

భాద్యతలు బంధుత్వాలు మోసేవారిలాగే 

వీడు  కూడా ...

ఎవరెవరో విసిరేసే 

మాటలన్నీ మూటకట్టుకొని 

భుజానికెత్తుకొని ప్రయాణం చెస్తూనే ఉంటాడు  

ఈ బానిస

గొప్ప తెలివిగల వాడినన్నారని 

సాహసినన్నారని , ఓర్పు నేర్పులు నేర్పమని అడిగారని 

అప్పుడప్పుడు 

ఆ మూటను విప్పి వెతికి మరీ ఆ  మాటలను 

ప్రదర్శనకు పెడతాడు ఎదో సాధించిన వాడిలా 

ఎన్ని రకాల మాటలున్నాయి ప్రదర్శనకని ??

అడిగితే 

మరో  నిమిషం ఆగకుండా మూట విప్పి 

గబా గబా ప్రదర్శిస్తూనే ఉంటాడు '

ఎదుటివాడి సమయం ఏడ్వనంత వరకు 

వీడికి వీడే సాటిలా 

వాడి వంగిపోయిన నడుము 

ఆ మాటల మూట బహుమతి అని 

పొంగిపోయే వీడికి 

కనిపిస్తున్న పెద్ద బండరాళ్ళు కోపం ,ద్వేషం అని బరువు 

పెంచుకుంటుంటే అవిమాత్రం వదలననే వాడికి 

జీవితం అంటే  సరిగా నిలబడ్డమేనని 

మూటను వదిలిపారేయ్ అని 

ఈ మూర్ఖుడికి చెప్పేదెలా ??

------------ by mercy margaret (10/11/2012)------