Saturday, January 5, 2013

కదలని దేహంతో


మబ్బులన్నీ నన్ను దాటి వెళ్తుంటాయి

నేను ఇక్కడే నిల్చుంటా

పర్వతాన్నికదూ కదలకుండా స్థిరంగా



నన్ను పలకిరించాలని మేఘం

నా ముఖ శిఖరం స్పృశిస్తుంది

వర్షం లా

స్నేహంతో తనువును కౌగలించుకుని

నదితో మాట్లాడుతూ కలిసిపోతుంది


ఆ సుదూర తీరం నుంచి

తమ పేర్లతోనే నన్ను పిలుస్తారు

నేను వాళ్ళ పేర్లతో తిరిగి పిలుస్తుంటా

ప్రేమికుల ప్రేమను

చిన్నారులకు ఆనందాన్ని తిరిగి ఇస్తూ


రాతిరవుతూనే చంద్రుడు

లోయలో నుంచి ఒక్కో అడుగు వేస్తూ నాపైకెక్కి

ఆకాశంతో మాట్లాడుతూ

నా చుట్టూ గాలితో పాటు దొంగా పొలిసు ఆడుతుంటాడు

నన్నూ కాసేపు నవ్విస్తూ


అందరు ఎటు వారు అటు వెళిపోతారు

మళ్ళీ నేను అక్కడే వచ్చీ పోయే అతిధులను

చూస్తూ

కదలకుండా

 9/12/2012