రేపటి నీ కోసం

రేపటి
నీకోసం
నిన్నటి నేను
నేటి రెక్కలు తొడిగి

కాలపు కన్నుల వెనక
తెల్లటి సంద్రాన్ని చీల్చుకొని
అటు ఇటు తనైన
అంచుల తీరం వెంబడి
ప్రయాణిస్తూ

నిదురను ఆవిరి చేసి
నల్లటి మేఘంలో కలిపి
చీకటి కౌగిలిలో వర్షించి
కలల ప్రవాహంలో పోటిపడి

రెప్పల ఆకాశంలో దారులు
వెతుక్కుంటూ
శక్తినంతా కూడగట్టుకొని
రాతిరి తలపుల తలుపులు పగలగొడుతూ

అక్షర నక్షత్రాలపై అడుగులు వేస్తూ
కన్నీటి మడుగులు పూడ్చి
దారులు మరమత్తు చేసుకుంటూ
ప్రయాణమై వస్తున్నా...